Теміржол жолдарын тек өтпелер арқылы, пойызға жол бере отырып кесіп өтеді. Жақындағанда жүргізуші белгілерді, бағдаршамды, шлагбаумның қалпын және кезекшінің нұсқауларын басшылыққа алады және жақындап келе жатқан пойыздың жоқтығына көз жеткізеді.
Өтпеге шығуға тыйым салынады
- шлагбаум жабық немесе жабыла бастаған кезде (бағдаршам сигналына қарамастан)
- бағдаршамның немесе өтпе кезекшісінің тыйым салатын сигналы кезінде
- өтпенің ар жағында өтпеде тоқтауға мәжбүрлейтін кептеліс пайда болса
- көріну шегінде өтпеге пойыз жақындап келе жатса.
Өтпе үстінде амалсыздан аялдау
- Дереу жолаушыларды түсіріп, өтпені босату үшін шаралар қолданыңыз.
- Мүмкіндік болса, жол бойымен екі адамды өтпеден екі жаққа 1000 метрге (біреу болса — нашар көрінетін жаққа) жіберіп, машинистке тоқтау сигналын беру ережесін түсіндіріңіз.
- Көлік құралының қасында қалып, жалпы дабыл сигналдарын беріңіз: бір ұзақ және үш қысқа дыбыстық сигнал сериясы.
- Пойыз көрінсе — тоқтау сигналын беріп, оған қарсы жүгіріңіз: қолдың шеңбер жасай қозғалуы (күндіз — ашық түсті матамен немесе жақсы көрінетін затпен, түнде — шырақпен немесе фонарьмен).