Қай жермен жүру керек
- тротуармен немесе жаяу жүргіншілерге арналған жолдармен; олар болмаған кезде — жол жиегімен;
- тротуар мен жол жиегі болмаған кезде — велосипед жолымен немесе жүру бөлігінің шетімен бір қатарда;
- елді мекеннен тыс жерде жүру бөлігімен жаяу жүргіншілер көлік құралдарының қозғалысына қарсы жүреді;
- көлемі үлкен заттармен және қозғалтқышы жоқ кресло-арбамен — егер тротуарда немесе жол жиегінде басқа жаяу жүргіншілерге кедергі келтірсе, жүру бөлігінің шетімен (бөлу жолағы бар жолда — сыртқы шетімен);
- жүру бөлігінің шетімен мотоцикл, мопед, велосипед жетектеп немесе кресло-арбамен келе жатқандар — көлік қозғалысының бағытында жолдың оң жағымен.
- ұйымдасқан жаяу лек жүру бөлігімен көлік қозғалысының бағытында, оң жақпен, қатарында төрт адамнан аспай жүреді; лектің алдынан және артынан сол жағымен қызыл жалауша ұстаған, ал қараңғыда фонарь ұстаған (алдында ақ, артта қызыл) ілесіп жүрушілер жүреді;
- жүріс реттелетін жерлерде жаяу жүргінші реттеушінің сигналын немесе жаяу жүргіншілер бағдаршамын, ал олар болмаса — көлік бағдаршамын басшылыққа алады.
Жолдан қалай өту керек
- жаяу жүргіншілер өткелдерімен (оның ішінде жерасты және жерүсті) өту; көріну аймағында олар болмаса — жол қиылыстарында тротуарлардың немесе жол жиектерінің сызығы бойымен;
- өткелден тыс — жол екі жаққа жақсы көрінетін жерде жүру бөлігінің шетіне тік бұрышпен; елді мекенде бөлу жолағы болғанда және жаяу жүргінші/жол қоршаулары тұрған жерде өтуге болмайды;
- реттелмейтін өткелде жолға көліктердің қашықтығы мен жылдамдығын бағалап, қауіпсіздігіне көз жеткізгеннен кейін ғана шығу;
- жүру бөлігінде кідірмеу; өтіп үлгермегендер қарсы ағындарды бөлетін сызықта тоқтайды.