Пайдалануға тыйым салынатын жағдайлар
14. Көлік құралдарын пайдалануға мынадай жағдайларда тыйым салынады:
- жол жүрісі қауіпсіздігіне және қоршаған ортаға қатер төндіретін техникалық ақаулар мен жағдайлардың болуы, техникалық регламенттерге, стандарттарға, қағидаларға және техникалық пайдалану жөніндегі нұсқаулықтарға сәйкес келмеуі, сондай-ақ тиісті келісусіз қайта жабдықталуы
- тораптар мен агрегаттардың нөмірлері тіркеу құжаттарының деректеріне сәйкес келмейді не жасырылған, қолдан жасалған немесе өзгертілген
- тіркеу құжаттары жоқ
- міндетті техникалық байқаудан өтпегеншығарылған жылын қоса алғанда жеті жылдан аспайтын, кәсіпкерлік қызметте пайдаланылмайтын M1 санатындағы КҚ-дан басқа
- мемлекеттік тіркеу нөмір белгілері жоқ не олар белгіленген талаптарға және тіркеу құжаттарына сәйкес келмейді
- КҚ иелерінің және (немесе) тасымалдаушының жолаушылар алдындағы азаматтық-құқықтық жауапкершілігін міндетті сақтандыру шарты жасалмаған; шарттың жасалғаны лауазымды адамдардың сақтандыру жөніндегі бірыңғай дерекқорға сұрау салуы арқылы расталады
- техникалық жай-күйі мен жабдығы пайдалануға тыйым салынатын ақаулар тізбесінің талаптарына сай келмейді
- онымен бірге құрамда жүруге арналмаған тіркемесі бар автомобильді басқару
- жол жүрісі қауіпсіздігіне қатер төндіретін рельсті КҚ техникалық ақаулары не Рельсті көлік құралдарын техникалық пайдалану қағидаларына сәйкес келмеуі
- КҚ жедел және арнайы қызметтердің тізбесіне кірмей тұрып арнайы жарық және дыбыс сигналдарымен жабдықталған және арнайы түрлі-түсті графикалық схемалар бойынша боялған
- мемлекеттік тіркеу нөмір белгілері заңнамада көзделмеген орындарға орнатылған
- қауіпті жүктерді тасымалдайтын КҚ алдында және артында «Қауіпті жүк» белгісі жоқ